Дортмундад юу болов?
Дортмундын “Борусси” багийн тоглогчдын автобусны дэргэд бөмбөг дэлбэрсэн.
Европын Аваргуудын лигийн шилдэг найман багийн эхний тулаан өчигдөр шөнө явагдлаа. Италийн “Ювентус” Испанийн “Барселона”-г талбайдаа хүлээн авсан бол Германы Дортмунд хотод болох ёстой байсан “Борусси” – Францын “Монако” багуудын тоглолт алан хядах үйл ажиллагаанаас болж явагдсангүй. Тоглолтыг нэг өдөр хойшлуулахаар шийдвэрлэжээ.
Дортмундын “Борусси” багийн тоглогчдын “Сигнал Идуна Парк” цэнгэлдэхийг зорьж явсан автобусны дэргэд бөмбөг дэлбэрсэн.
Нийт гурван дэлбэрэлт болсон бөгөөд тэсрэх бөмбөгийг замын хажуугийн бутан дунд нуусан байжээ. “Борусси”-гийн дасгажуулагч Томас Тухелийн сууж явсан талд бөмбөг дэлбэрсэн ч тэр гэмтээгүй. Харин хамгаалагч Бартра хагарсан шилний хэлтэрхийд оногдож, эмнэлэгт хүргэгджээ. Автобусны цонх, дугуй хагарсан байна.
Халдлагын дараа Дортмундын цагдаа нар цэнгэлдэх хүрээлэнд байсан үзэгчдийг тайван байхыг уриалж байлаа.
“Монако”-гийн балиашгууд “Борусси” багийнхныг сэтгэлээр дэмжин, хашгарч байв.
Monaco fans singing "Dortmund" and showing their solidarity with BVB #Class pic.twitter.com/MmfsnRdVrY
— Football Chants (@FootyFansChants) April 11, 2017
Тоглолт нэг хоногоор хойшлогдсон тул Дортмунд болон ойролцоох хотын иргэд Францын хөгжөөн дэмжигчдийг гэртээ хонуулж, туслан дэмжиж байна. #bedforawayfans хэштагт бүгд нэгджээ.
“Монако” багийнхан хоосон цэнгэлдэхэд бэлтгэл хийсэн.