Зорчигчоо хог шиг гаргаад хаячихсан цорын ганц авиа компани “United Airlines” биш
МИАТ компанийн нислэгийн үеэр ч суудалгүйн улмаас хүүхдээ өвөр дээрээ авч явсан монгол хүн байдаг.
АНУ-ын “United Airlines” авиа компанийн Чикаго хотоос хөөрсөн онгоцонд суусан ази хүнийг хамгаалагчид чирж гарсан бичлэг олон нийтийн сүлжээнд шуугиан тарьж буй.
ХОЛБООТОЙ МЭДЭЭ: Видео: “United Airlines”-ийн онгоцноос ази хүнийг чирж буулгажээ
Тэгвэл энэ хэрэгтэй холбоотойгоор дэлхийн өнцөг булан бүрт зорчигчид өөрсдийн таагүй туршлагаа хуваалцаж эхэлжээ. Тухайлбал, Чикагогийн их сургуулийн багш Жон Пол Ролтерт 2015 оны өвөл өөрт тохиолдсон түүхээ “Fortune” сэтгүүлд хуваалцсан байна. Тэр жилийн хоёрдугаар сард Нью-Йорк хотоос Чикаго орох онгоцонд 20 хүн суудалгүй хоцорсон байна. Сайн дураараа хоёр хүн онгоцноос буусан бол үлдсэн 18 хүнийг мөн л хүчээр буулгасан тухай тэрбээр ярьжээ. Хамгийн хачирхалтай нь авиа компаниуд билетийн илүү захиалга авдаг нь хууль ёсных байдаг гэнэ.
Монголд ч мөн МИАТ-ийн онгоцоор Бээжин хүртэл нисэхдээ суудалгүйн улмаас хүүхдээ өвөр дээрээ суулгаад ниссэн аав байдаг гэнэ. Тэрбээр өөрт тохиолдсон түүхээ фэйсбүүктэй хуваалцжээ.