“Рио тинто” нүүрсний салбараас бүрэн татгалзахад тун ойрхон боллоо
Хятадын компанид Австралид эзэмшдэг дулааны нүүрсний уурхайгаа 2.45 тэрбум ам.доллараар зарахаар болжээ
Австралийн гадаадын хөрөнгө оруулалтын газраас “Рио тинто” компанийг дулааны нүүрсний ордоо 2.45 тэрбум ам.доллараар Хятадын “Yanzhou Coal Mining”-д худалдахыг зөвшөөрсөн байна. Ингэснээр “Рио тинто” компани дулааны нүүрсний салбарын хөрөнгөө зарж дуусахад тун ойртож байгаа юм.
Австралийн гадаадын хөрөнгө оруулалтын газраас дэлхийн хоёр номерийн уул уурхайн компанийг нүүрсний салбараас нь гарч явахыг хүлээн зөвшөөрсөн нь энэ юм. Рио болон Хятадын Yancoal компаниудын хувьцаа эзэмшигчид энэхүү наймааг энэ оны гуравдугаар улирал гэхэд хүлээн зөвшөөрөх төлөвтэй байна.
Энэхүү хэлэлцээр нь “Рио тинто” компанийн гүйцэтгэх захирал Жан Себастьян Жакийн үүрэгт ажлаа хүлээн авснаасаа хойш хийсэн анхны томоохон наймаа болж байна. Тэрбээр тус компанийн гүйцэтгэх захирал болохоосоо өмнө тус компанийн Нүүрс болон зэсийн салбарыг хариуцсан захиралаар ажиллаж байсан. Энэхүү гэрээ нь Австрали болон Азийн компани хоорондын худалдааны анхны шанг татаж байгаа нь энэ аж.