1 мин

Чанаргүй зээлийн хэмжээ гуравдугаар сард буурчээ

Э.Хулан 2017.04.14 48 12 5

Үндэсний статистикийн хорооноос энэ оны нэгдүгээр улирлын нийгэм, эдийн засгийн байдлын тоон үзүүлэлтийг танилцуулжээ. Эндээс үзэхэд, аж ахуйн нэгж, байгууллага, иргэдэд олгосон нийт зээлийн өрийн үлдэгдэл энэ оны  гуравдугаар сарын эцэст 12.7 их наяд төгрөг болж, өмнөх сараас 94.5 тэрбум, өмнөх оны мөн үеэс 842.6 тэрбум төгрөгөөр  өссөн байна. Хугацаа хэтэрсэн зээлийн өрийн үлдэгдэл гуравдугаар сарын эцэст 995.1 тэрбум төгрөг болж, өмнөх сараас 55.2 тэрбум төгрөгөөр буурч, өмнөх оны мөн үеэс 30.1 тэрбум төгрөгөөр өссөн байна. Хугацаа хэтэрсэн зээлийн өрийн үлдэгдэл нийт зээлийн өрийн үлдэгдлийн 7.8 хувийг эзэлж, өмнөх сараас 0.5 пункт, өнгөрсөн оны мөн үеэс 0.3 пунктээр буурсан байгаа гэнэ. 

Банкны системийн хэмжээнд чанаргүй зээл энэ оны гуравдугаар сарын эцэст 1035.5 тэрбум төгрөг болж, өмнөх сараас 34.6 тэрбум төгрөгөөр буурч, өмнөх оны мoн үеэс 67.6 тэрбум төгрөгөөр өссөн байна. Чанаргүй зээл нийт зээлийн өрийн үлдэгдлийн 8.2 хувийг эзэлж, өнгөрсөн сараас 0.3 пунктээр буурсан байгаа нь өмнөх оны мөн үетэй адил байгаа юм.

Э.Хулан 2017.04.14