Саори Ёшида жүдогийн бэлтгэл хийлээ
Микү Сүгимотогоос шинэ мэх сурснаа сэтгүүлчдэд танилцуулжээ.
Японы жүдо бөхийн эмэгтэй шигшээ баг энэ сарын 10-12-нд чөлөөтийн шигшээ багийн байранд зочилж, хамтарсан бэлтгэл хийсэн талаар бид мэдээлсэн. Бэлтгэлд 20 гаруй жүдоч, харин чөлөөт бөхийн шигшээ багийн 40 тамирчин оролцжээ. Эхний хоёр өдөр чөлөөтийн дасгал хийсэн жүдочид алдарт Саори Ёшидад унатлаа “дэглүүлсэн” бол хамтарсан бэлтгэлийн сүүлийн өдөр чөлөөтийнхөн жүдоги өмсөн, жүдогийн бэлтгэл хийсэн. Саори Ёшида “Хэн хэнээсээ сурах юм ихтэй сайхан бэлтгэл боллоо. Харахад жүдогийнхны бэлтгэл амархан юм шиг санагдаж байсан ч өөрөө хийхээр маш хэцүү юм. Жүдогийн шигээ багийнхандаа баярлалаа” гэж ярьсан байна. Мөн Микү Сүгимотогоос шинэ мэх сурснаа сэтгүүлчдэд танилцуулжээ.