Харүмафүжи 33 нас хүрлээ
Нагано мужийн Мацүмото хотод болж байгаа тойргийн барилдаан дээр тэмдэглэлээ.
Өнөөдөр мэргэжлийн сүмогийн ёкозүна Харүмафүжигийн төрсөн өдөр болж байна. 33 насныхаа төрсөн өдрийг тэрбээр Нагано мужийн Мацүмото хотод болж байгаа тойргийн барилдаан дээр тэмдэглэлээ. Дэвжээнийхээ бөхчүүдээс төрсөн өдрийн бялуу хүлээн авсан Харүмафүжи “Өдий хүртэл туслаж дэмжиж ирсэн бүх хүнд баярлалаа гэж хэлмээр байна. Сүүлийн үед гэмтэл ихтэй, дэмжигчдийнхээ санаанд хүртэл хангалттай барилдаж чадахгүй байгаа ч тэд минь дэмжсэн хэвээр байдаг. Дохён дээр гарч барилдана гэдэг миний амьдралын хамгийн том аз жаргал” гэж ярьсан байна.