Энэ жилийн “Coachella”-ийн үс засалтын тренд ийм байна
“Space Buns” буюу үсээ хоёр талд нь овоолж боосон охид бүсгүйчүүд энэ жилийн “Coachella” дээр цөөнгүй байгаа бололтой.
Өнгөрсөн жилүүдэд “Playtime” наадмын үеэр цөөнгүй охид толгойдоо зүүж харагдсан цэцгэн титэм “Coachella”-аас гаралтай. Тэгвэл энэ жилийн “Coachella”-ийн “цэцгэн титэм” хоёр талдаа овоолж боосон үс болжээ. Тус наадмын гол тайз болон зэргэлдээх арт фестивалиудаар духнаасаа хойш дагуулан сүлжиж, орой дээрээ овоолж янзалсан үстэй охид цөөнгүй зөрж буй тухай “Hollywood reporter” мэдээлжээ. Өнгөрсөн жил “Suicide Squad” киноны сурталчилгааг хийх үеэр энэ засалтыг Кара Делевинь дэлгэрүүлж эхэлсэн байна. Энэхүү засалт өнгөрсөн жилийн “Coachella”-гаар ч цөөнгүй үзэгдэж байсан юм. Ингээд тренд засалт “space buns”-ийн зургуудыг харцгаая.