1 мин

“Сэлх-Ард кино театр-Ривер гарден хотхон” чиглэлийг 2 хуваана

Энэ сарын 22-ноос эхлүүлэхээр төлөвлөжээ.

Э.Намуун 2017.04.19 37 31 23

4

Сүхбаатар дүүргийн 18 дугаар хороо, Хан-Уул дүүргийн 11 дүгээр хорооны  иргэдийн зорчих эрэлт хэрэгцээ, удаа дараагийн хүсэлт, Хан-Уул дүүргийн 15 дугаар хорооны нутаг дахь “Хан-Хиллс” орон сууцны шинэ хорооллын оршин суугчдад нийтийн тээврийн үйлчилгээг хүргэх, иргэдэд хүлээгдэлгүй, шуурхай үйлчилгээг үзүүлэх зорилгоор Ч:28 “Сэлх-7 буудал-Ард кино театр-Ривер гарден хотхон” чиглэлийн замналыг Ч:28 “Сэлх-7 буудал-Ард кино театр” болон Ч:63 “Хан-Хиллс хотхон-Ривер гарден-Цэцэг төв-МУИС” чиглэл болгон 2 хувааж, энэ сарын 22-ны өдрөөс эхлүүлэхээр төлөвлөж байна.

Ч:28 “Сэлх-7 буудал-Ард кинотеатр” чиглэлд 9 автобус 12 минутын хүлээлтийн хугацаатай, Ч:63 “Хан-Хиллс хотхон-Ривер гарден-Цэцэг төв-МУИС” чиглэлд 6 автобус 10 минутын хүлээлтийн хугацаатайгаар “Зорчигч тээврийн нэгтгэл” ОНӨААТҮГ үйлчилнэ. Үйлчилгээтэй холбоотой санал хүсэлтийг 323176, 326352 утсанд хүлээн авна гэж нийслэлийн Тээврийн газраас мэдээллээ.

Э.Намуун 2017.04.19

4