1 мин
"Авьяслаг шведчүүд"-ийн алтан баззерийн эзэн, гоц ухаантан Б.Янжаа охины тухай 10 баримт
1993 оны 12-р сарын 26нд Улаанбаатар хотод төрсөн.
1.Б.Янжаа 1993 оны арванхоёрдугаар сарын 26-нд Улаанбаатар хотод төрсөн.
2. Дөрвөн настайдаа ээжтэйгээ хамт Шведийн Стокгольм хотруу амьдрахаар явжээ. Тэр одоо хүртэл Шведэд амьдардаг.
3.Тэр анх Герман улсад ой тогтоолтоор бэлтгэл хийж, багагүй амжилт гаргасан болохоор тууштай хичээллэхээр шийдсэн байна.
4. Б.Янжаа швед, англи, франц, испани, итали, герман, бразилийн португал, африкийн свахили, япон, хятад зэрэг 10 гаруй хэлээр ярьдаг.
5.Тэр өнгөрсөн долоон хоногт “Авьяаслаг Шведчүүд” шоуны алтан баззерийн эзэн болж, тус нэвтрүүлгийн хагас финалд шалгарсан.
6.Багадаа жудо бөх, туялзуур жадаар хичээллэж байсан. Аялах, шинэ хэл сурах, усанд сэлэх, морь унах хоббитой.
7.Хүний нэр тогтоох, нүүр царай таних төрөлд ДАШТ-ны хоёр медальтай.
8. Ахлах сургуулийн төгсөх ангиа Кени улсын нийслэл Найроби хотод дүүргэсэн. Мөн Стокгольмийн их сургуулийн эдийн засгийн ангийг хоёр жилийн дотор дүүргэж, бакалавр зэрэгтэй болсон байна.
9.Ой тогтоолт, хэл сурах өөрийн гэсэн арга барилтай. Хэл сурахын тулд ном унших, кино үзэх, тухайн улс руу аялах зэрэг арга, техник ашигладаг байна.
10.Одоогоор хятадын боловсролын системд ой тогтоолт, санамжийг эзэмших арга барил, техникийг дээшлүүлж сайжруулах ажилд оролцож байгаа.