“Аспайр майнинг” Нүүрстэйгээс жил орчмын дараа олборлолт хийж магадгүй
“Аспайр майнинг” энэ онд өрөмдлөг, судалгааны ажилд 1.5 сая ам.долларын санхүүжилт хийх төлөвтэй.
Нүүрстэй коксжих нүүрсний төслийн 45 хувийг эзэмшигч “Аспайр майнинг” компани тус ордын ТЭЗҮ-ээ хүлээн авчээ. ТЭЗҮ-гээс харахад, 12-15 сарын дотор Нүүрстэй ордоос олборлолт хийх боломжтой гэж дурдсан тухай Австралийн хөрөнгийн биржид бүртгэлтэй тус компани мэдээлэл хийсэн байна. “Аспайр майнинг” компанийн гүйцэтгэх захирал Дэвид Паулл “Овоотын коксжих нүүрсний төслийн үнэлгээг тогтоохоор ажиллаж байгаа энэ үед Нүүрстэй коксжих нүүрсний төслийн хүрээнд олборлолтоо хийж, төмөр замтай холбогдох боломжтой" гэж мэдэгдсэн байна. Тус компани энэ онд өрөмдлөг, судалгааны ажилд 1.5 сая ам.долларын санхүүжилт хийх төлөвтэй байна.
Овоотын коксжих нүүрсний ордоос 160 километрийн зайтай оршдог "Нүүрстэй" коксжих нүүрсний төслийн ЖОРК стандартаар тогтоосон нөөц 4.75 сая тоннтой тэнцэж байна.