1 мин
Асасэкирюү Японы иргэн болно
Вакамацү дэвжээний хөх, улаан луу хэмээн Асашёорюүгийн хамт шуугиулж явлаа.
М.Сугар-Эрдэнэ
16 
14 
2 
Монголын ахмад сүмочдын нэг Асасэкирюү иргэншлээ сольж, Японы иргэн болох гэж байгаа гэнэ. Одоо макүшита зиндаанд барилдаж байгаа 35 настай Өглөөний улаан луу Асасэкирюү Б.Дашням 1997 онд их аварга Асашёорюүгийн хамт Японд ирж, Мэйтокү сургуульд элсэн орсон. 2000 оны нэгдүгээр сарын тэмцээнд мэргэжлийн сүмод анхны барилдаанаа хийж, Вакамацү дэвжээний хөх, улаан луу хэмээн Асашёорюүгийн хамт шуугиулж явлаа. 2002 онд жюүрёо, 2003 онд макүүчид дэвшин барилдаж, 2007 онд сэкивакэ цол хүртсэн. Тусгай шагнал 4 удаа авсан. 2010 онд МУИС-ийг дүүргэж, дипломын ажлаа “Японы сүмо бөхийн түүх, соёл” сэдвээр хамгаалж байв.
Өнгөрсөн жилийн Кюүшюү башёд макүшитад унах хүртлээ Такасаго дэвжээний 100 жил сэкиторитой байсан том рекорд амжилтыг хамгаалж ирсэн юм. Зодог тайлаад ояката болох хүсэлтэй тул иргэншлээ солихоос өөр аргагүй болжээ. Эелдэг даруу зантай, хариуцлагатай бөх тул түүнийг сайн ояката болно гэж мэргэжилтнүүд үздэг. Асасэкирюү ояката болбол Кёкүтэнхо, нэгдүгээр сард хүнд өвчний улмаас нас барсан Токитэнкү нарын дараах Монголоос төрсөн гурав дахь ояката болох юм. Асасэкирюү “Иргэншлээ солих нь маш хүнд зүйл. Гэхдээ би зодог тайлаад сүмогийн ертөнцөд үлдэхийг хүсч байгаа болохоор Японы иргэн болохоос өөр арга алга. Гэрбүлийнхэн маань ч дэмжсэн” гэж сэтгүүлчдэд ярьжээ.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
О.Анхзаяа
М.Гэрэлмаа 