1 мин
Юу ч хийхгүй суух шинэ спорт
Өөрөөр хэлбэл хэн удаан юу ч хийлгүй суусан нь түрүүлнэ гэсэн үг.
М.Сугар-Эрдэнэ
1 
Өмнөд Солонгост юу ч хийлгүй суух нь спортын нэгэн төрөл болон хөгжиж байна. Азийн энэ оронд "Space Out Competition” хэмээх тэмцээн бий. Жил бүр уламжлал болон зохион байгуулагддаг тус тэмцээнд оролцсон “тамирчин” юу ч хийх ёсгүй. Өөрөөр хэлбэл хэн удаан юу ч хийлгүй суусан нь түрүүлнэ гэсэн үг.
Уран зураач Woops Yang 2014 онд анх энэ тэмцээнийг зохион байгуулсан бөгөөд Сөүлийн “Ичхон Ханганг” цэцэрлэгт хүрээлэнд явагддаг. Woops Yang ажлын хэт ачаалаас болж, өвчин тусан, эмчлүүлж байхдаа нийгэмд амралт, завсарлага хэрэгтэй байгааг ойлгожээ.
“Юу ч хийлгүй суухыг шүүмжлэх хэрэггүй гэж бодсон. Бүгд, хамт олноороо юу ч хийлгүй суувал яах бол гэсэн санаа төрсөн юм” гэж тэр ярьж байна.
Тэмцээнд оролцогчид гар утас ашиглаж болохгүй, унтах, ярих хориотой. Эмч нар “тамирчдын” даралт, биеийн байдлыг байнга шалгадаг. Цаг тэнцвэл зүрхний цохилт хамгийн тогтвортой байгаа нь ялдаг байна. Энэ тэмцээнийг тайлбарладаг мэргэжлийн тайлбарлагч ч байдаг аж.
Өмнөд Солонгос дэлхийн хамгийн стресстэй орнуудын нэгт тооцогддог. Тиймээс юу ч хийлгүй зүгээр суух энэ спорт амжилт олно гэж Woops Yang үзэж байна.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
У.Чинзориг
О.Анхзаяа