БНСУ-ын эмч нарыг ЭМЯ-ны хүндэт тэмдгээр шагналаа
Элэг шилжүүлэн суулгах 34 дэх хагалгааны дараа ийнхүү шагнасан байна.
Элэг шилжүүлэн суулгах 34 дэх хагалгааны дараа Эрүүл мэндийн сайд А.Цогцэцэг нийт багийнханд баяр хүргэж, хамтарч ажилласан БНСУ-ын Асан төвийн эмч нартай цаашдын хамтын ажиллагааны талаар харилцан санал солилцлоо.
Эрүүл мэндийн сайд А.Цогцэцэг Солонгосын эрхтэн шилжүүлэн суулгах багийн эмч нар Монгол хүнд туслах гэсэн сэтгэлээр л ирдэг. Тэд манай багтай хамтарч ямар ч цалингүй 26 хүнд элэг шилжүүлэн суулгасан гэдгийг хэлээд, эдгээр эмч нарыг ЭМЯ-ны хүндэт тэмдгээр шагнасан юм.
Тэрээр цааш хэлэхдээ, Монгол Улсад Элэг шилжүүлэн суулгах 34 дэх хагалгаа 15 цаг орчим үргэлжилж, дууслаа. Хэдийгээр хагалгаа дууссан ч хагалгааны дараах, үе шаттай явагддаг эмчилгээ маш том хариуцлага гэв.
Профессорын багийн ахлагч доктор Мүн Док Бок, эмч Жун Дон Хуан, Кан Вү Хюн анестезиолог Жун Ын Гу нар цаашид ч эрсдэл өндөртэй хагалгаанд хамтарч оролцохоо илэрхийллээ.