1 мин

Төлбөрийн тэнцлийн алдагдал 163.7 сая ам.долларт хүрчээ

Э.Хулан 2017.04.25 46 43 6

2

Монголбанкнаас өнгөрөн гуравдугаар сарын төлбөрийн тэнцэлийн урьдчилсан гүйцэтгэлийг танилцуулжээ. Эндээс үзэхэд, энэ оны эхний гурван сарын байдлаар нийт төлбөрийн тэнцлийн алдагдал 163.7 сая ам.долларт хүрсэн байна. Үүнийг задалж харвал, өнгөрсөн гуравдугаар сард гадаадын шууд хөрөнгө оруулалт -12.2 сая ам.долларт хүрсэн байна. Өөрөөр хэлбэл, тайлант хугацаанд 15.9 сая ам.доллар гарч, харин Монголд 3.7 сая ам.доллар орж ирсэн байна. 

Тэгвэл урсгал ба хөрөнгийн дансны тэнцэл 38.4 сая ам.долларын ашигтай гарч, өнгөрсөн оны мөн үеэс 83.8 сая ам.доллараар нэмэгдсэн. Энэхүү өөрчлөлт нь бараа ба үйлчилгээний дансны ашиг 32хувиар буюу 30.4 сая ам.доллараар нэмэгдэж, харин анхдагч орлогын дансны алдагдал 31 хувиар буюу 63.8 сая ам.доллараар буурснаар тайлбарлагдаж байна.

Мөн санхүүгийн дансны тэнцэл 173.1 сая ам.долларын алдагдалтай гарсан үзүүлэлтэй байна. Өнгөрсөн оны мөн үед Монгол Улс 202.2 сая ам.долларын эх үүсвэрийг гадаадаас авч байсан бол тайлант оны эхний гурван сарын байдлаар 173.1 сая ам.долларын гарах урсгалтай буюу цэвэр дүнгээр гадаад санхүүжилт 375.3 сая ам.доллараар буурсан үзүүлэлттэй байна.
 

Э.Хулан 2017.04.25

2