мин

АНУ-ын Тэргүүн хатагтайн төрсөн өдөр

Нас ахиж байгаа ч түүний зураг ойрын 4 жилдээ дэлхийн том хэвлэлүүдийн тэргүүн нүүрийг чимсээр байх нь ойлгомжтой.

М.Сугар-Эрдэнэ 2017.04.26

Меланья Трамп буюу дэлхийн хамгийн том гүрний Тэргүүн хатагтай өнөөдөр 47 нас хүрч байна. Нас ахиж байгаа ч түүний зураг ойрын 4 жилдээ дэлхийн том хэвлэлүүдийн тэргүүн нүүрийг чимсээр байх нь ойлгомжтой.

АНУ-ын Ерөнхийлөгчийн сонгуулиар Хиллари Клинтоныг идэвхтэй дэмжсэн "Vogue” сэтгүүлийн ерөнхий редактор Анна Винтур ч кампанит ажлын үеэр Меланья тун сайхан хувцаслаж байсан гэдгийг хүлээн зөвшөөрсөн билээ. Словений модель асан хүн хойно аргагүй. Тэр “Harper's Bazaar” (Болгар), “Ocean Drive”, “In Style Weddings”, “New York Magazine”, “Avenue”, “Allure”, “Vanity Fair” (Итали), “Sports Illustrated Swimsuit Issue” гээд олон сэтгүүлтэй хамтран ажиллаж байв. Хэрэв Дональд Трамп Ерөнхийлөгч болж чадвал эмэгтэйчүүд, хүүхдийн эрхийг хамгаалах ажилд өөрийгөө зориулна гэж тэр мэдэгдэж байсан. Одоо Меланья өсвөр насны хүүхдүүдийг олон нийтийн сүлжээн дэх дарамт, шахалтаас хэрхэн хамгаалах тал дээр ажиллаж байна.