Хайх зүйлээ бичнэ үү

2 мин

Монголын телевизүүд яагаад "түгшүүрийн дохио" хангинаав?


Зөрчлийн тухай хуулийн анхны хэлэлцүүлэг энэ долоо хоногт УИХ-ын байнгын хороо болон чуулганы нэгдсэн хуралдаанаар хийгдэхээр товлогдсон. Улмаар өчигдөр Хууль зүйн байнгын хорооны хуралдаанаар анхны хэлэлцүүлэг хийж, маргааш УИХ-ын чуулганаар хэлэлцэх гэж буй аж. 

Уг хуулинд хувь хүнийг facebook, twitter болон хэвлэл мэдээллийн хэрэгслээр гүтгэсэн тохиолдолд 2-20 сая төгрөгөөр торгохоор заасан. Тэгвэл Байнгын хорооны хуралдааны үеэр УИХ-ын гишүүн Ц.Гарамжав дээрх мөнгөн дүнг 10-100 сая төгрөг болгох горимын санал гаргажээ. 

Уг хуулийн заалтыг эсэргүүцэн телевизүүд өнөөдрийн 20.00 цагаас эхлэн эфирээрээ "Иргэдийн мэдэх эрхэнд онц аюул учирлаа" гэсэн бичиг гаргаж байна. Мөн Монголын сэтгүүлчдийн нэгдсэн эвлэл, Хэвлэл мэдээллийн зөвлөл, "Глоб интернэшнл" ТББ тэргүүтэй хэвлэл мэдээллийн холбоод хамтарсан мэдэгдэл гаргасан бөгөөд "...Засгийн газраас УИХ-д өргөн мэдүүлсэн Зөрчлийн тухай хуульд хүний нэр төр, алдар хүнд, хуулийн этгээдийн ажил хэргийн нэр хүндийн асуудлаар гарсан зөрчилд 10-100 сая хүртэл төгрөгийн торгууль ногдуулахаар тусгасан нь эдийн засаг, эрх мэдэл, улс төрийн цагдан хяналт бөгөөд ардчиллын амин сүнс болсон иргэдийн мэдэх эрх, хэвлэл мэдээллийн эрх чөлөөнд халдсан ноцтой үйлдэл гэж бид үзэж байна..." гэсэн юм. Мэдэгдлийг бүрэн эхээр нь хүргэж байна. 

Мэдэгдэл

Засгийн газраас УИХ-д өргөн мэдүүлсэн Зөрчлийн тухай хуульд хүний нэр төр, алдар хүнд, хуулийн этгээдийн ажил хэргийн нэр хүндийн асуудлаар гарсан зөрчилд 10-100 сая хүртэл төгрөгийн торгууль ногдуулахаар тусгасан нь эдийн засаг, эрх мэдэл, улс төрийн цагдан хяналт бөгөөд ардчиллын амин сүнс болсон иргэдийн мэдэх эрх, хэвлэл мэдээллийн эрх чөлөөнд халдсан ноцтой үйлдэл гэж бид үзэж байна. Үндсэн хуулиар олгогдсон иргэдийн мэдээлэл олж авах, түгээх, үзэл бодлоо илэрхийлэх эрхийн эсрэг аливаа үйлдлийг Монголын хэвлэл мэдээлэл, сэтгүүл зүйн салбарт ажиллагсад тууштай эсэргүүцэх эв санааны нэгдлээ энэхүү мэдэгдлээр илэрхийлж байна.

Сэтгүүл зүй, хэвлэл мэдээллийн салбарын үйл ажиллагаатай холбоотой хууль тогтоомж батлан гаргахдаа мэргэжлийн холбоод, хэвлэл мэдээллийн хэрэгслүүдийн саналыг заавал авч тусгадаг улс төрийн соёлыг сэргээхийг УИХ, Засгийн газраас шаардаж байна.

Монголын сэтгүүлчдийн нэгдсэн эвлэл

Хэвлэл мэдээллийн зөвлөл

Өдөр тутмын сонинуудын холбоо

Монголын телевизүүдийн холбоо

Монголын эрэн сурвалжлах сэтгүүлчдийн холбоо

Мэдээллийн сайтуудын ассоциаци

Монголын үндэсний сайтын хөгжлийн нэгдсэн холбоо

Мэдээллийн тэргүүлэгч сайтуудын холбоо

Монголын сайтын холбоо

Хэвлэл мэдээллийн эздийн холбоо

Глоб интернэшнл ТББ

Хамгийн их уншилттай
1
2024.02.23
Шибатаяма ояката: Хакүхог дэвжээ удирдах чадваргүй гэж үзсэн
2
2024.02.25
Бүсгүйчүүдэд үзэн ядагддаг 9 төрлийн залуу
3
2024.03.09
Миягино дэвжээг хаах шийдвэр гарчээ
холбоотой мэдээ
1
1 минутын өмнө
Почеттино: Бид шинэ "Челси"-г байгуулж байгаа гэдгийг хүмүүс ойлгох ёстой
2
19 минутын өмнө
Нохойтой харьцах нь хүнийг тайвшруулж, төвлөрөхөд тусалдаг болохыг тогтоожээ
3
33 минутын өмнө
Playlist: Оройн цагаар сонсоход тэс ондоо мэдрэмж төрүүлэх 12 дуу
санал болгох
1
19 минутын өмнө
Нохойтой харьцах нь хүнийг тайвшруулж, төвлөрөхөд тусалдаг болохыг тогтоожээ
2
33 минутын өмнө
Playlist: Оройн цагаар сонсоход тэс ондоо мэдрэмж төрүүлэх 12 дуу
3
21 цагийн өмнө
Саналын хайрцаг руу будаг асгаж, шатаахыг завдсан иргэдэд эрүүгийн хэрэг үүсгэжээ

Энэ мэдээнд өгөх таны сэтгэгдэл?
2
28
35
0
0
0
0
0

Сэтгэгдэл бичих (0)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.