Монголын 3 эмэгтэй жүдоч Азербайжаны шигшээд орлоо
Азербайжаны Баку хотод эхлэх Исламын улсуудын эв нэгдлийн IV наадамд тэд Азербайжаны шигшээ багийн өмнөөс анхны барилдаанаа хийх юм.
Азербайжаны жүдо бөхийн холбооноос “Токио 2020” наадамд бэлтгэн, эмэгтэйчүүдийн шигшээ багаа хүчирхэгжүүлэх эхний алхмуудаа авч эхэллээ. “Рио 2016” наадмын дараа эмэгтэй жүдо сулхан байгааг дүгнэн хэлэлцэж, Токиод ямар ч гэсэн хэд хэдэн жинд тамирчин оруулах зорилт тавьсан юм. Ингээд юуны өмнө Монголоос гурван эмэгтэй тамирчинг урьж, шигшээ багийнхаа нэрийн өмнөөс барилдуулах болжээ.
“Женко” клубын Э.Базаррагчаа 48 кг, П.Буянхишиг 52 кг, М.Ичинхорлоо 57 кг нар ийнхүү Азербайжаны шигшээ багийн тамирчид боллоо. Тэднээс гадна Украины Ирина Киндзерска (+78 кг) тус улсын шигшээд элсэн орсон байна. 21 настай Э.Базаррагчаа 2016 оны УАШТ-ий аварга, 2017 оны мөнгөн медальт, 2015 оны Азийн залуучуудын аваргын хүрэл, 2010 оны Азийн өсвөрийн АШТ-ий хүрэл медальт бол П.Буянхишиг (19 нас) улсын аваргын мөнгө, хүрэл медальтай залуу тамирчид. М.Ичинхорлоо (19 нас) Asian U18 Championships Bangkok тэмцээний аварга.
Энэ сарын 12-нд Азербайжаны Баку хотод эхлэх Исламын улсуудын эв нэгдлийн IV наадамд тэд Азербайжаны шигшээ багийн өмнөөс анхны барилдаанаа хийх юм. Сүүлийн үед монгол эмэгтэй жүдочдын ур чадвар өсөж, дэлхийд гайхагдаж эхэлсэн тул Монголын эмэгтэй тамирчдад анхаарлаа хандуулсан гэж тус улсын жүдогийн холбооныхон ярьж байна. Гэхдээ мэдээж алдартай томчуудыг авчрах хэцүү тул залуу, олон улсын тэмцээнд нэрээ дөнгөж гаргаж эхэлж байгаа жүдочдыг сонгожээ.
Nazlican KILIC (TUR) - Bazarragchaa ERDENEBAT (MGL) @ U48 - Grand Prix Samsun 2016
Buyankhishig PUREVSUREN (MGL) - Khulan TSEREGBAATAR (MGL) @ U57 - Grand Prix Ulaanbaatar 2016
Emilia KANERVA (FIN) - Ichinkhorloo MUNKHTSEDEV (MGL) @ U57 - World U18 Championships Sarajevo 2015