1 мин

UB Life: Туршилтын туулайнууд Их буутай танилцаж, цэргийн хоол идэж үзсэн нь

Цэргүүдийн нэг өдрийн амьдралыг хэрхэн өнгөрдөг бол гэж та гайхаж байсан уу?

Б.Эгшиглэн 2017.05.05

Цэргүүдийн нэг өдрийн амьдралыг хэрхэн өнгөрдөг бол гэж та гайхаж байсан уу? Зөвхөн кинон дээрээс л харж, түүгээр төсөөлдөг байсан зүйлсийг өөрийн нүдээр харж, биеэр үзэхээр бид энэ удаад “UB LIFE Туршилт”-ын тусгай дугаарыг бэлтгэлээ.

Монгол цэргүүд хэрхэн хооллодогтой танилцаж, анх удаа цэргийн хоол идэж үзэх нь энэ удаагийн туршилтын гол зорилго байлаа.

Түүнчлэн туулайнуудын маань сэтгэлийг хамгийн их хөдөлгөсөн зүйл нь их бууны ард зогсох байв. Учир нь Зэвсэгт хүчний артиллерийн тусгай хороо болох 120-р анги бидэнд зөвшөөрөл өгч, энэхүү үнэ цэнэтэй боломжийг олгосон юм.

Бид эхлээд армийн хоол хүнсийг хаанаас ханган нийлүүлдэгтэй танилцахаар Материал хангалтын төв бааз 310-р ангийг зорилоо.

Цэргийн хүнсийг бэлтгэнэ гэдэг маш их хоол хийнэ гэсэн үг огт биш. Харин тусгай лабораторид нарийн шинжилгээний дагуу шалгасан бүтээгдэхүүн, түүхий эдийг тусгай хөргүүрт хадгалан, Улаанбаатар орчмын цэргийн ангиудад түгээдэг. Цэргийн ангид түгээсэн хүнсийг захирагч, хүнсний албаны дарга, эмч нар шалгаж батлан, цэрэг нэг бүрт оногдох илчлэгийн дагуу цэсийг зохионо.

Дараагийн зогсоол бол Зэвсэгт хүчний артиллерийн тусгай хороо болох 120-р анги!

Тэд дайны үед дайсантай хэрхэн тэмцэж, ямар тушаалаар ажилладгийн зах зухаас мэдэрч үзлээ!