Тусгай зөвшөөрлөө барьцаалж зээл авагчдын тоо буурчээ
Ашигт малтмалын тусгай зөвшөөрлөө барьцаанд тавиад зээл авч, хөрөнгө оруулалт хийдэг бизнесмэнүүдийн тоо буурчээ. Ашигт малтмалын газрын энэ оны гуравдугаар сарын статистик мэдээллээс үзвэл банк болон банк бус санхүүгийн байгууллагын барьцаанд буй тусгай зөвшөөрлийн тоо 248 болсон нь өмнөх оны мөн үеэс буурсан байгаа юм. Өнгөрсөн онд нийт 252 тусгай зөвшөөрөл барьцаанд байжээ.
Тэгвэл хамгийн олон ашигт малтмалын тусгай зөвшөөрөл барьцаанд авсан банк нь ХХБ аж. Удаах нь Голомт, Капитал, ХААН болон Улаанбаатар хотын банк байгаа юм.
Харин гадныхнаас Европын сэргээн босголт, хөгжлийн банк хамгийн олон тусгай зөвшөөрөл барьцаалжээ. Үүний араас ОХУ-ын Газпромбанк болон БНХАУ-ын Банк оф Чайна удаалж байна.