Мэргэжлийн аудио тоног төхөөрөмжүүдийг эндээс, эх нутгаасаа авах боломжтой боллоо
Дэлхийн шилдэг аудио тоног төхөөрөмжийн брэндүүдийг нэгтгэсэн “HARMAN” группийн Монгол дахь албан ёсны төлөөлөгч ирэх сард албан ёсоор нээлтээ хийнэ.
Монголын хөгжмийн зах зээлд нэгэн том дэвшил авч ирэх үйл явдал болох гэж буйг уншигч танд дуулгахад таатай байна. Монголын уран бүтээлчид, аудио салбарын хүмүүс өмнө нь Про аудио буюу мэргэжлийн дугаралттай тоног төхөөрөмжүүдийг зөвхөн гадаадаас захиж л авдаг байсан бол одоо эндээс, эх нутгаасаа авах боломжтой боллоо. Монголд ийм төрлийн мэргэжлийн шоу рүүм, дэлгүүрүүд байгаагүйгээс болж их хэмжээний хуурамч техникүүдийг ашигладаг байснаас үүдэж чанаргүй дугаралтууд ихээр бий болдог аж.
Тэгвэл энэ асуудал тун удахгүй арилж, монголчуудад цэвэр мэргэжлийн дугаралттай тоног төхөөрөмжүүдийг санал болгож буй “HARMAN” группийн Монгол дахь албан ёсны дистрибьютер ITC solution шоурүүм ирэх сард нээлтээ хийх гэж байна. Тус группт JBL, AKG, CROWN, SOUNDCRAFT, LEXICON, BSS, DBX гэх брэндүүд багтдаг аж.
Урьдчилсан нээлтийг энэ сард хийсэн бөгөөд уран бүтээлчид, аудио салбарын мэргэжилтнүүд шоурүүмтэй танилцаж, тоног төхөөрөмжүүдийг сонирхож, туршиж үзэхэд нээлттэй юм байна шүү.