1 мин
Ронда Раузи хуримаа хийнэ
Түүний сонгосон залуу мөн л тулаанч.
М.Сугар-Эрдэнэ
44 
23 
3 
UFC холбооны аварга асан тулаанч бүсгүй Ронда Раузи нөхөрт гарах болсноо зарлалаа. Түүний сонгосон залуу мөн л тулаанч. Болзоот бүсгүй шигээ алдартай биш ч UFC-гийн хүнд жинд тулалддаг Трэвис Браун юм. Энэ хосыг дэлхийн хамгийн аюултай хосоор хэдийнэ нэрлэжээ. Шинэ Зеландын үзэсгэлэнт усан оргилуурын дэргэд гэрлэх санал тавьж, сэтгэлийг нь уярааснаа Рондагийн зүрхийг эзэмдсэн гол нууц гэж Браун ярьсан бол Ронда хуримаа ойрын хугацаанд хиймээр байгаа ч тодорхой төлөвлөгөө алга гэж сэтгүүлчдэд хэлсэн юм. UFC-гийн ерөнхийлөгч Дэйна Уайт хуриманд очихоо мэдэгдээд байгаа.
Браунтай учрахаасаа өмнө Ронда мөн л хүнд жингийн тулаанч Брендан Шаубтай үерхдэг байсан. Сонирхолтой нь түүний шинэ хуучин найз залуус 2014 онд рингэн дээр үзэлцэж, Браун ялж байв. Тэр үед Браун фитнес модель Рени Уэббтэй гэрлэсэн байсан. Удалгүй гэр бүлийн хүчирхийлэл үйлдээд буюу Рениг зодсоноор тэд салцгаасан юм. Харин одоо Ронда хүчирхийлэлд өртөөд байхаар эмзэг бүсгүй биш. Ронда ирээдүйн нөхрөө “Дэлхий хамгийн тачаангуй сахалтай залуу” хэмээн нэрлээд Аляскт хөдөө жижиг байшин бариад түүнтэйгээ хамт хүүхдээ өсгөн, суухыг мөрөөддөг гэж сэтгүүлчдэд ярьсан.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
О.Анхзаяа