мин

Видео: Азийн АШТ-ий хүрэл буюу монгол бөхчүүдийн барилдаан

55 кг-ын жинд ОУХМ Эрхэмбаярын Даваачимэг хүрэл медаль хүртлээ.

М.Сугар-Эрдэнэ 2017.05.13

Энэтхэгийн Шинэ Делид болж байгаа чөлөөт бөхийн Азийн АШТ-ий эмэгтэйчүүдийн 48, 53, 55, 60, 69 кг-ын жингийн барилдаанууд өчигдөр болж өнөдөрлөлөө. Манай улсын таван бөх хүч үзсэнээс 55 кг-ын жинд залуучуудын ДАШТ-ий алт, хүрэл медальт, ОУХМ Эрхэмбаярын Даваачимэг хүрэл медаль хүртлээ.

Э.Даваачимэг эхний тойрогт хийлж, Японы Нанжёо Саэд 0:9-өөр ялагдсан. Саэ шигшээ барилдаанд шалгарсан тул тэрбээр БНСУ-ын И Шин Хётэй хүрэл медалийн төлөө барилдсан. Өмнөд Солонгосын бөхийг 4-0 харьцаатай ялж, Азийн аваргын хүрэл медаль зүүлээ.
Э.Даваачимэг - Нанжёо Саэ

Э.Даваачимэг - И Шин Хё

48 кг-ын жинд Э.Нарангэрэл Энэтхэгийн Риту Ритуд 4:11-ээр, 53 кг-д Гавьяат тамирчин Д.Отгонцэцэг БНАСАУ-ын Жон Мьон Сукт 4:5-аар, 69 кг-д Ш.Түмэнцэцэг БНХАУ-ын Зоу Фенгтэй барилдаж, 2:8-аар эхний тойрогт ялагдан тэмцээнээ өндөрлүүлсэн.
Э.Нарангэрэл - Риту Риту

Д.Отгонцэцэг - Жон Мьон Сук

Ш.Түмэнцэцэг - Зоу Фенг

60 кг-д ОУХМ Б.Шоовдор 1/4 шигшээ барилдаанд Вьетнамын Ти Вин Нгьенийг цэвэр ялсан ч хагас шигшээд “Рио-2016” олимпийн наадмын аварга Японы Рисако Кавайд оноогоор цэвэр ялагдсан. БНХАУ-ын Зоу Жантингтэй хүрэл медалийн төлөө барилдаад 12-15-аар ялагдан, медальгүй хоцорлоо.
Б.Шоовдор - Ти Вин Нгьен