Видео: З.Занабазарын мөнгөн медаль, монгол бөхчүүдийн барилдаан
Ө.Батзул хүрэл медалийн төлөө барилдсан.
Энэтхэгийн Шинэ Делид чөлөөт бөхийн Азийн АШТ үргэлжлэн явагдаж байна. Өчигдөр эрэгтэйчүүдийн 57, 65, 74, 97 кг, эмэгтэйчүүдийн 58 кг-ын жингийн барилдаанууд явагдлаа. Эрэгтэйчүүдийн 57 кг-ын жинд барилдсан Занданбудын Занабазар мөнгөн медаль хүртлээ.
З.Занабазар Тажикистаны Жамшид Шарифовыг 13:0-ээр, шөвгийн наймд Кыргызстаны Улукбек Жолдошбековыг 15:4-өөр, хагас шигшээд Казахстаны Нурислам Санаевыг 8:0-ээр ялж, алтан медалийн төлөө барилдаанд 2014 оны ДАШТ-ий тавдугаар байрын шагналт Японы Юки Такахашид 1:7-гоор ялагдав.
З.Занабазар - Жамшид Шарифов
З.Занабазар - Улукбек Жолдошбеков
З.Занабазар - Нурислам Санаев
З.Занабазар - Юки Такахаши
97 кг-д “Хүч” спорт хорооны тамирчин Өлзийсайханы Батзул эхлээд Шри Ланкын Дилан Ранганаг оноогоор цэвэр ялж, шөвгийн наймд “Рио-2016” олимпийн наадмын хүрэл медальт, Дэлхийн цомын мөнгөн медальт Узбекистаны Магомед Ибрагимовт 5:10-аар ялагдсан. Ибрагимов шигшээд шалгарсан тул манай бөх дагах барилдаанд Энэтхэгийн Сативарт Кадианыг 8:5-аар ялсан ч хүрэл медалийн төлөөх барилдаанд Кыргызстаны Магомед Мусаевд 2:5-аар ялагдаж, тавдугаар байрт орлоо.
Ө.Батзул - Дилан Рангана
Ө.Батзул - Магомед Ибрагимов
Ө.Батзул - Сативарт Кадиан
Ө.Батзул - Магомед Мусаев
Энэ өдөр барилдсан Э.Гантуяа, Батсуурийн Наранболд, Г.Төрболд нар эхний даваанд өрсөлдөгчдөө ялагдаж, тэмцээн өндөрлүүлсэн юм.