1 мин
Монголын эдийн засаг 4.2 хувиар өслөө
Өнгөрсөн оны эцсийн байдлаар манай эдийн засаг ердөө 1 хувиар өсөж байв
Монголын эдийн засаг өнгөрсөн нэгдүгээр улиралд 4.2 хувиар өсжээ. Харьцуулахад өнгөрсөн оны эцсийн байдлаар манай ДНБ 1 хувиар өссөн байдаг. Үүнд үйлчилгээний салбарын нэмэгдэл өртөг 89.9 тэрбум төгрөгөөр өссөн нь голчилж нөлөөлсөн байна. Харин аж үйлдвэрийн салбар 28.3 тэрбум төгрөгөөр буурсан тухай Үндэсний статистикийн хорооноос мэдээлжээ.
Тэгвэл ДНБ оны үнээр энэ оны эхний улиралд 5726.4 тэрбум төгрөгт хүрч, өмнөх оны мөн үеэс 991.4 тэрбум төгрөгөөр өссөн байна. Энэ нь 20.9 хувиар өссөн байгааг харуулж байгаа юм.