Видео: Б.Төрболд Миторюү анхны барилдаандаа уналаа
Б.Төрболд “Сандраад юу болж байгаагаа ч мэдэлгүй ялагдчихлаа. Ингэж сандарч байсан удаа байхгүй юм байна” гэж сэтгүүлчдэд ярьжээ.
Мэргэжлийн сүмогийн “Нишикидо” дэвжээний бөх Б.Төрболд Зуны тэмцээнээс мэргэжлийн сүмод хүч сорьж эхэллээ. Оюутны сүмо бөхийн ёкозүна цолтой тул Б.Төрболд макүшитагийн 15-аас барилдах эрх авсан билээ. Түүний мэргэжлийн сүмо дахь анхны өрсөлдөгч нь “Тацүнами” дэвжээний Акүа байлаа. Барилдаан эхлээд л манай бөх харитэ хийн дайрсан ч барьц авч чадалгүй, түлхүүлээд ошидаши мэхээр ялагдлаа.
Түүний анхны барилдаан хэвлэл мэдээллийнхний анхаарлын төвд байсан. Б.Төрболд “Сандраад юу болж байгаагаа ч мэдэлгүй ялагдчихлаа. Ингэж сандарч байсан удаа байхгүй юм байна. Дараагийнхаа барилдаанд төвлөрч сайн барилдана. Сандрах минь ч гайгүй болох байх” гэж сэтгүүлчдэд ярьжээ.
Монгол бөхчүүд
Жюүрёо
Баруун 2 Кёкүшюүхо Т.Эрдэнэбаатар 2-0
Б-5 Азүмарюү С.Тодбилэг 1-1
З-8 Сэйро А.Өнөболд 1-1
Макүшита
З-4 Дайшёохо Р.Шижирбаяр 1-0
Б-14 Асасэкирюү Б.Дашням зодог тайлсан
М-15 Миторюү Б.Төрболд 0-1
З-17 Сакигакэ Я.Баттүшиг 1-0
З-18 Кирибаяма Б.Лхагвасүрэн 1-0
Б-28 Кагамио Б.Нанжид 0-1
Б- 31 Асахирюү Б.Дэнзэнсамбуу 1-0
З-40 Гочёозан Д.Ууганбаатар 0-1
Б-44 Танэгашима Э.Энхманлай 1-0
З-49 Шёотэнро Д.Нямсүрэн 0-1
Санданмэ
Б-60 Саданохикари Д.Наранцогт 1-0