В.Путин Буриадад ирнэ
Энэ жил гарсан ой хээрийн түймрийн үеэр түүнийг ирнэ гэсэн цуурхал тарсан ч эрхэм Ерөнхийлөгч бараагаа харуулаагүй билээ.
ОХУ-ын Ерөнхийлөгч В.Путин наймдугаар сард Буриадад ажллах гэнэ. Өнгөрсөн сарын сүүлчээр Буриадад гарсан их түймрийн хохирлыг хэрхэн барагдуулж байгаа, орон гэрээ алдсан иргэдэд яаж туслаж байгааг газар дээр нь шалгах аж.
В.Путин Буриадад хоёр удаа ирж байсан. Эхний удаа 2011 оны долоодугаар сард Ерөнхий сайд байхдаа буриадууд Орост сайн дураар нэгдсэний 350 жилийн ойн арга хэмжээнд оролцсон юм.
Харин 2013 оны дөрөвдүгээр сард ирэхдээ Улаан-Үд хотод болсон “Ойн аж ахуйд ажиллагчдын чуулга уулзалт”-нд оролцож, Иволгин дацанд зочилсон. 2015 онд Улаан-Үдэд болсон Үндэсний аюулгүй байдлын зөвлөлийн хуралдаанд Ерөнхийлөгч В.Путинийг оролцоно гэж байсан ч тэр ирээгүй. Энэ жилийн дөрөвдүгээр сард гарсан ой хээрийн түймрийн үеэр Ерөнхийлөгч ирнэ гэсэн цуурхал тарсан ч эрхэм Ерөнхийлөгч бараагаа харуулаагүй билээ. Энэ удаа түүнийг ирэхэд буриадууд долоон жил яригдаж байгаа Мөсөн ордныхоо асуудлыг шийдүүлэх зорилготой байна. В.Путин Буриадад Мөсөн ордон барих ивээн тэтгэгч олж өгөхөө амалсан ч “Жүдо нь хямд төсөр шүү дээ. Жүдогоор хичээлэл” хэмээн наргиж байсан юм.