2 мин

Мөнгөний гахай, зургийн жаазандаа ч мөнгө хадгалж болдог

Ub.life 2017.05.16

1. Сэтгэл санаагаа бэлд

Илүү зардал, тансаг хэрэглээнээс татгалзаад, мөнгө хадгалахад бэлэн үү гэж өөрөөсөө асуугаад үзээрэй. Хэрэв та бэлэн бол дараах зөвлөмжийг дагана уу.

2. Зардлаа тэмдэглэ

Та мөнгөө юу юунд зарцуулдагаа олж мэдэх хэрэгтэй. Жишээ нь, өдөрт хэдэн аяга кофе уудаг, байр, цахилгааны төлбөрт хэдийг зарцуулдаг гээд бүх зардалаа бичиж тэмдэглэ.

3. Сарын төсөв гарга

Та тухайн сард үрэх мөнгөө төлөвлөх хэрэгтэй. Ингэснээр сарын төсвөөс зардлаа хэтрүүлэхгүй байж болно. Мөн зурагт эвдрэх, машинаа засуулах зэрэг гэнэтийн зардлаа ч бас тооцох нь чухал шүү.

4. Хадгаламж бий болго

Заавал банкинд бус мөнгөний гахай, зургийн жаазандаа ч мөнгөө хадгалж болно шүү дээ. Ингэхдээ тогтмол хугацаанд мөнгөө хадгалж сурах хэрэгтэй.

5. Мөнгөө март

Хадгалж буй мөнгөө өдөр бүр бүү шалга. Таны мөнгө өсөхгүй эсвэл хэт удаан юм шиг санагдаж сэтгэлээр унаж магадгүй. Тийм учраас хэсэг хугацаанд мөнгө хадгалж байгаа гэдгээ мартах хэрэгтэй.

6. Зорилго тавь

Мөнгөө ямар зорилгоор хадгалж буйгаа бод. Аялалын зардал, их сургуулийн төлбөр, машин худалдаж авах гэх мэт. Хамгийн гол нь урт хугацааны том зорилго байвал илүү үр дүнтэй.

7. Хөдөлмөрлө

Мөнгө хэмнэх, хадгалахын хажуугаар хичээнгүй ажиллаж орлогоо нэмэгдүүлэх нь чухал. Энэ нь таны нэр хүнд, албан тушаалыг өсгөхөөс гадна илүү их цалин, орлоготой болоход тусална.

8. Хэрэглээгээ хязгаарла

Брэндийн хувцас, үнэтэй утас, тансаг ресторанд хооллох зэрэг зүйлсэд мөнгөө бүү үр. Эдгээр нь хэсэг хугацаанд таныг баярлуулаад дараа нь харамсахад хүргэж болзошгүй.

9. Мөнгө үрэх зүйлсээс зайлсхий

Өөрөө хийж чадах зүйлийг худалдаж авах хэрэггүй. Талх худалдаж авсанаас өөрөө хийвэл илүү амттай бас хэмнэлттэй. Ундаа уухын оронд ус уу. Автобусанд суухийн оронд алх. Эдгээр нь таны эрүүл мэндэд тустай төдийгүй мөнгөнд ч хэмнэлттэй.