мин
Монголын сүмо бөхийн холбоонд дохё бэлэглэнэ
Дээвэр, баганатай, мэргэжлийн сүмочдын тойргийн барилдааны үеэр хэрэглэгддэг жинхэнэ дохё бөгөөд 3 сая иэнийн үнэтэй гэнэ.
М.Сугар-Эрдэнэ
42 
39 
22 
Мэргэжлийн сүмогийн их аварга Хакүхо нийслэл Улаанбаатар хотод сүмо бөхийн дохё бэлэглэх төслийг дэмжин ажиллахаар болжээ. Мияазаки мужийн Мияаконожё хотод байгуулагдсан “Улаанбаатарт дохё бэлэглэх нийгэмлэг”-ийн төлөөлөгчид өнөө өглөө Хакүхотой бэлтгэлийн дараа уулзан ярилцсан байна. Мияаконожё хот манай нийслэлтэй 1999 онд ах дүүгийн харилцаа тогтоосон юм. Өнгөрсөн 12 дугаар сард тус хотод сүмо бөхийн тойргийн барилдаан болж, их аварга ирэх үеэр хотын захиргаанаас Монголын сүмо бөхийн холбоонд дохё бэлэглэх төсөл боловсруулснаа танилцуулж, нийгэмлэгээ байгуулсан аж. Дээвэр, баганатай, мэргэжлийн сүмочдын тойргийн барилдааны үеэр хэрэглэгддэг жинхэнэ дохё бөгөөд 3 сая иэнийн үнэтэй гэнэ. Монголын сүмо бөхийн холбооны ерөнхийлөгч Хакүхо “Сүмочид бэлтгэл хийн, өсвөрийн сүмочдын “Хакүхо Цом” тэмцээнийг зохион байгуулахад хэрэг болох эд” хэмээн талархлаа илэрхийлжээ. Сүмогийн дохё ирэх долоодугаар сард бэлэн болно.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
О.Анхзаяа