1 мин
Чөлөөт бөх: Тогрул Аскеров барилдах эрхээ хасууллаа
Түүнийг гэнэтийн шалгалтад хамруулахад norcoclaurine буюу хигенамин хэмээх хориотой бодис хэрэглэсэн нь илэрсэн байна.
М.Сугар-Эрдэнэ
42 
21 
13 
Азербайжаны бөх, олимпийн алт, мөнгөн медальт, дэлхийн аваргын мөнгөн медальт Тогрул Аскеров хориотой бэлдмэл хэрэглэсэн хэргээр Дэлхийн бөхийн нэгдсэн холбооны тэмцээн уралдаанд оролцох эрхээ нэг жилээр хасууллаа.
Түүнийг гэнэтийн шалгалтад хамруулахад norcoclaurine буюу хигенамин хэмээх хориотой бодис хэрэглэсэн нь илэрсэн байна. Энэ бэлдмэл нь жин барихад хэрэглэгддэг бөгөөд АНУ, Европын холбооны улсуудад хориглогдоогүй. Гэхдээ Дэлхийн сэргээшийн эсрэг агентлагаас энэ оны нэгдүгээр сараас хигенаминийг хориотой бэлдмэлийн жагсаалтад багтаасан юм.
Азербайжаны бөхийн холбооноос Аскеровыг санаатайгаар хориотой бэлдмэл хэрэглээгүй гэдгийг онцлоод Тогрул энэ оны эхээр Энэтхэгийн чөлөөт бөхийн лигт барилдаж байхдаа ямар нэг жимс идсэн нь хигенамин агуулсан байсан гэж тайлбарласан. Шүүхэд заргалдах гэж байсан ч Тогрул Аскеров удахгүй хүзүүний хагалгаанд орж, угаасаа хэсэг хугацаанд барилдахгүй болсон тул больсон байна. Тогрул Аскеровын торгуулийн хугацаа 2018 оны дөрөвдүгээр сарын 17-д дуусна.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
О.Анхзаяа