Монголын хилээс гаралгүйгээр үзэж болох 5 гайхалтай хүрхрээ
Хэрэв та аялахаар төлөвлөж байгаа бол эдгээр үзэсгэлэнт газруудыг санал болгоё.
1. Улаан цутгалан
Орхоны Улаан цутгалангийн хүрхрээг Монголын хамгийн том, үзэсгэлэнтэй хүрхээ гэдгээр нь хүмүүс сайн мэддэг. Өвөрхангай аймагт байрлах энэ хүрхрээ нь нийт 24 метр өндрөөс цутгадаг. Энэ бол Монголдоо аялаж үзэх газруудын нэгд зүй ёсоор багтана.
2. Арсайн хүрхрээ
Хөвсгөл аймгийн Хорьдол сарьдагт байрлах Арсайн хүрхрээ нь Монголын хамгийн өндөр хүрхрээнд тооцогддог. Ихэнх монголчууд Улаан цутгаланг мэдэх боловч манай оронд байдаг бусад үзэсгэлэнт хүрхрээг төдийлэн мэддэггүй. Арсайн хүрхрээ нь 70 метр өндөртэй болохоор гадаадын томоохон хүрхрээнүүдээс дутах юмгүй.
3. Рашаантын хүрхрээ
Монгол Алтайн нурууны салбар уулсын нэг Жаргалант хайрхан уулын Рашаантын ам хоёр хүрхрээтэй. Рашаантын амны доод хүрхрээний өндөр 15 метр бол дээд хүрхрээний өндөр нь 25 метр байдаг аж.
4. Бага Түргэний амны хүрхрээ
Баян-Өлгий аймгийн нутаг Хотон хурган нуурын баруун эрэг, Түргэний уулсын дунд хэд хэдэн үзэсгэлэнтэй сайхан хүрхрээ байдгаас Бага Түргэний амны хүрхрээ нь хамгийн өндөрт тооцогдоно. Энэ хүрхрээ нь 36 метрийн өндөр эгц цавчим хаднаас 2 шатлалтайгаар их, бага хоёр хүрхрээ үүсгэн унадаг. Их хүрхрээний өндөр нь 23 метр, Бага Хүрхрээний өндөр 13 метр байна.
5. Хүрэн Ханангийн хүрхрээ
Монгол Алтайн нурууны салбар уулсын нэг Хархираа Түргэний уулсын баруун урд бэл, Увс аймгийн Ховд сумын нутаг Шивэрийн голын зүүн цутгал Гоожуурын голд 17 метрийн өндрөөс унах энэ хүрхрээг нутгийнхан Хүрэн Ханангийн хүрхрээ гэж нэрлэдэг.
Зочин 2021.07.20 202.9.40.3
арсайн хүрхрээний зураг биш ангелийн хүрхрээний зураг байна
0 0 Хариулах