1 мин

Бямбаас нямд шилжих шөнө цочир хүйтэрнэ

Ирэх долоо хоногоос ихэнх нутгаар дулаарна.

Э.Намуун 2017.05.19 34 23 21

Өнөө шөнө Хөвсгөл, Булган, Сэлэнгэ, Төв, Хэнтий, Дорнод аймгийн газар тариалангийн бүс нутгаар хөрсөн дээр цочир хүйтэрч, ихэнх нутгаар сэрүүсч, говь талын нутгаар хүчтэй салхи шуургатай байхыг Цаг уур, орчны шинжилгээний газраас анхааруулж байна. Мөн 20-ноос 21-нд шилжих шөнө ихэнх нутгаар хүйтэрч газар тариалангийн бүс нутгаар хөрсөн дээр цочир хүйтэрнэ.

21-нд нутгийн зүүн өмнөд хэсгээр бага зэргийн хур тунадас орно. Салхи 24-нд баруун аймгуудын нутгийн баруун хэсгээр секундэд 14-16 метр хүртэл ширүүсч шороон шуурга шуурна. 22-ноос ихэнх нутгаар дулаарч Дархадын хотгор, Хүрэн бэлчир орчим болон Хангай, Хөвсгөл, Хэнтэйн уулархаг нутгаар шөнөдөө 3 градус хүйтнээс 2 градус дулаан, өдөртөө 20-25 градус, говийн бүс нутгийн өмнөд хэсгээр шөнөдөө 8-13 градус, өдөртөө 27-32 градус, бусад нутгаар шөнөдөө 3-8 градус, өдөртөө 24-29 градус дулаан байна.  

Улаанбаатарт маргааш өдөртөө 9 хэм дулаан, бага зэргийн хур тунадас орно. Нийслэлийн ойрын тав хоногийн урьдчилсан мэдээг хүргэж байна.

Э.Намуун 2017.05.19