Европын шилдэг лигүүдийн аваргууд
Анчелотти дэлхийн шилдэг 5 лигийн 4-т нь түрүүлсэн цорын ганц дасгалжуулагч боллоо.
Хөлбөмбөгийн 2016/2017 улирал өндөрлөх дөхөж байна. Дэлхийн шилдэг лигүүд аваргуудаа тодруулж, ирэх сарын эхээр Аваргуудын лигийн финалд “Реал” Мадрид, “Ювентус” багууд гар зөрүүлээд л энэ улирал өндөрлөнө. Европын шилдэг лигүүдэд Аваргын цомын төлөө өрсөлдөөн ширүүн байлаа. Зарим улсад сүүлийн тойрогт цомын хувь заяа шийдэгдсэн.
“Базель” дөрөвдүгээр сарын 28-нд Швейцарийн аваргаар найм дараалан шалгарсан.
“Бавари” харин дөрөвдүгээр сарын 29-нд тав дараалан улсынхаа аварга боллоо. Гэхдээ анх удаагаа Анчелоттигийн удирдлага дор. Анчелотти дэлхийн шилдэг 5 лигийн 4-т нь түрүүлсэн цорын ганц дасгалжуулагч боллоо.
“Лудогорец” тавдугаар сарын 6-нд Болгарын аваргын титмийг 6 дараалан хүртлээ.
“Шахтер” мөн энэ өдөр Украины 10 удаагийн аварга болсон.
Оросын хамгийн алдартай баг “Спартак” удаан хүлээлгэсний эцэст аварга боллоо.
Тавдугаар сарын 13-нд “Бенфика” 36 дахь түрүүгээ хүлээн авсан.
“Челси” бас л энэ өдөр аварга болсон. Гэхдээ 6 дахь түрүү нь. Түрүүлсэн тоогоороо “Сандерленд”-ийг давж гарлаа.
“РБ Зальцбург” тавдугаар сарын 14-нд Австрийн аваргаар дөрөв дараалан шалгарлаа.
Энэ сарын 14-нд “Фейеноорд» 18 жилийн дараа Голландын аварга боллоо.
“Францыг ноёрхоод байсан “ПСЖ”-гийн дарлалыг Монако” баг таягдан хаялаа. Тэд тавдугаар сарын 17-нд аваргаа тэмдэглэсэн. “Монако” хамгийн сүүлд 2000 онд аварга болж байжээ.
Тавдугаар сарын 18-нд “Андерлехт” 34 дэх удаагаа Бельгийн аварга боллоо.
“Ювентус” 6 дараалан Италийн аварга боллоо. Түүнээс өмнө ийм амжилт үзүүлсэн баг байхгүй.
“Реал” сүүлийн тойрогт Испанийн аварга болж чадсан. Тэд хамгийн сүүлд 2011/2012 онд аварга болж байв.