"Монголын Жанна Д'Арк" кино MoMA-д гарахаар болжээ
Германы найруулагч Улрике Оттингерийн 1989 онд найруулсан "Монголын Жанна д'Арк" (Johanna D’Arc of Mongolia) киног Нью-Йоркт төвтэй, дэлхийн урлагийн хамгийн том байгууллагын нэг MoMA буюу "Модерн урлагийн музей"-д гаргахаар болжээ. Энэ кино баруунд ихээхэн алдартай бөгөөд 39 дэх удаагийн Берлины кино наадамд оролцож байсан юм.
"Монголын Жанна д'Арк" кинонд Монголын дайны гүнжийн олзлогдогч болж, барууны гурван бүсгүй Монголоор дайрч өнгөрч буй тухай гардаг аж.
Энэхүү кинонд Монгол нутгийн үзэсгэлэн, хөдөө нутгийн хүн зоны амьдрал буй чигээрээ, маш үзэсгэлэнтэй гардагт барууны үзэгчид дуртай хэмээн MoMA албан ёсны цахим хуудастаа бичжээ.
"Монголын Жанна д'Арк" киног тус музейн Киноны хэлтсээс зохион байгуулан энэ сарын 30-нд дэлхийн урлагийн хамгийн том музейн нэг MoMa-д гаргана.