1 мин

Хүмүүс ам.доллараа төгрөг болгох нь ихэсжээ

Ub.life 2017.05.26 37 28 8

7

Өнөөдөр өглөөний 10.05 цагийн орчимд  “Найман шарга” валют арилжааны төвийн ам.долларын авах ханш 2406, зарах нь 2410 төгрөгтэй тэнцэж байна. Харьцуулахад, Монголбанкны ам.долларын  зарах ханш өмнөх өдөр нь(2017.05.25) 2415 төгрөгтэй тэнцэж байсан юм. 

Ам.долларын ханш суларч байгаа нь ОУВС-гийн өгөтгөсөн санхүүжилтийн хөтөлбөр Монголд хэрэгжих нь нэгэнт тодорхой болсонтой холбогдож байна. Тус сангийн хөтөлбөрт хамрагдах мэдээлэл гарахтай зэрэгцээд ам.долларын ханш хөдөлгөөнд орсон нь энэ юм. 

ОУВС-гаас  432.3 сая ам.долларын тусламжийн багц илгээнэ. Үүний эхний хэсгийн санхүүжилт болох 38.6 сая ам.доллар өчигдөр Монголбанкны дансанд шилжин орсон. 

Ам.долларын ханш буурч байгаатай холбоотойгоор "Найман шарга" валют арилжааны төвийн чэнжээс цөөн асуултад хариулт авлаа. 

-ОУВС-гийн хөтөлбөр батлагдаад ам.долларын ханш буурч байх шиг байна? 

- Ерөнхийдөө ам.долларын ханш буурах хандлагатай байна. Өчигдөрөөс хойш хүмүүс ам.доллараа төгрөг болгох нь ихэссэн.

-ОУВС-гаас манай улсад 432.3 сая ам.долларын санхүүжилт хийхээр болсон. Энэ талаарх таны бодол ямар байгаа вэ?

- Энэ хөтөлбөрт орж байгаад баярлаад байх юм огт байхгүй гэж бодож байгаа. Гэхдээ Хятадаас Хөгжлийн зээл гэх нэрийн дор олон тэрбум ам.доллар авахаас дээр гэж бодож байна. Арай аюул багатай болов уу. 

Ub.life 2017.05.26

7