Ерөнхийлөгчийн сонгууль: Монголын дараагийн ТЭРГҮҮН ХАТАГТАЙ?
Монголын дараачийн ерөнхийлөгч болохоор өрсөлдөж буй АН-ын Х.Баттулга, МАН-ын М.Энхболд, МАХН-ын С.Ганбаатар нар өнөөдөр Сонгуулийн ерөнхий хороон дээр очиж, нэр дэвшигчийн үнэмлэхээ гардахдаа гэр бүлээ дагуулан ирсэн билээ.
М.Энхболд гэргий Ж.Туяацэцэгтэйгээ хүрэлцэн ирсэн бол Х.Баттулга охин Б.Намуунаагаа дагуулан алхлаа. Харин МАХН-аас нэр дэвшигч С.Ганбаатар гэргий Б.Тунгалаг болон гурван охины хамт ирсэн юм.
Сонирхуулахад, М.Энхболдын гэргий Ж.Туяацэцэг ШУТИС-ын Үйлдвэрлэлийн технологийн сургуулийн захирал, техникийн ухааны доктор, дэд профессор, Монгол Улсын Зөвлөх инженер. Харин С.Ганбаатарын гэргий Б.Тунгалаг эдийн засагч мэргэжилтэй аж. Х.Баттулгын орос эхнэрийг Анжелика гэдэг бөгөөд өнөөдөр тэр өөрийн охинтойгоо ирсэн билээ.