Туринд 1000 балиашиг гэмтлээ
Харамсалтай нь энэ үеэр Италийн Турин хотод балиашгуудын дунд эмх замбараагүй байдал үүссэн.
Өнгөрсөн Бямба гарагт хөлбөмбөгийн Аваргуудын лигийн финалын тоглолт Уэльсийн Кардифф хотноо болж, Италийн “Ювентус”, Испанийн “Реал” багууд өрсөлдсөн билээ. Тоглолтод Испанийн Эзэн хааны баг 4:1 харьцаатай ялж, аваргын титмээ хамгаалсан.
Харамсалтай нь энэ үеэр Италийн Турин хотод балиашгуудын дунд эмх замбараагүй байдал үүсэж, 1000 гаруй хүн гэмтжээ. Турин хотын Сан-Карло талбайд цуглан, тоглолт үзэж байсан “Юве”-гийн фэнүүд дунд нэгэн хүү салют харвахдаа тэсрэх бөмбөг гэж хэлснээс замбараагүй байдал эхэлжээ. Сүүлийн үед Европыг алан хядагчид түгшээж байгаа тул үнэмшсэн хүмүүс зугтаж гүйлдэн, нэг нэгнээ дарж, маш олон хүн гэмтсэн байна.