мин

ЭЕШ өгөх гэж буй хүний л ойлгох 10 зүйл

Их сургуульд элсэхийн тулд ЭЕШ хэмээх том шалгуурыг давах ёстой.

2017.06.05 26 11 2

120

Хүний амьдралын хамгийн чухал зүйлсийн нэг бол яах аргагүй их сургуульд сурч, мэдлэг боловсрол эзэмших билээ. Ингэхийн тулд ЭЕШ хэмээх том шалгуурыг даван туулах ёстой. Зөвхөн энэ хэцүү давааг туулах гэж буй хүмүүсийн л ойлгох 10 зүйлийг хүргэж байна. 

1. Урин дулаан цаг ирсэн үед гадуур гарч, найзуудтайгаа зугаалмаар байв ч чадахгүй. Зугаалахын оронд хичээлээ давтах ёстой гэсэн бодол толгойд байнга эргэлдэнэ.

2. Хичээлээс өөр зүйл хийх "ёсгүй". Гэр, сургууль гээд хаана ч байсан хичээлээ үргэлж хийнэ гэдэг үнэхээр залхмаар. 

3. Сургуулийн удирдлагаас ЭЕШ-д өндөр оноо авч багш, сургуулийнхаа нэр хүндийг гаргах ёстой гэж байнга сануулна. 

4. Гэр бүлийнхээ урмыг хугалах вий гэхээс үргэлж айна.

5. Хэрэв шалгалтандаа унавал гэр бүл, таньдаг хүмүүсийнхээ нүүрийг яаж харна даа гэх сөрөг бодол үргэлж шаналгана.

6. Ямар мэргэжлээр сурахаа ч шийдээгүй байхад ЭЕШ өгөх өдрүүд ойртсоор.

7. ЭЕШ өгөх өдөр ойртох тусам улам бүр сандарч, бүхнийг орхиод зугатмаар ч юм шиг.

8. Шалгалтандаа унаж, хүссэн сургуульдаа орж чадахгүй байхвий гэх бодол хамгийн аймаар.

9. Гэсэн ч өөрийн зорилго, мөрөөдөлдөө нэг алхам ойртож байгаагаа бодохоор үнэхээр сайхан.

10. Бүх хүч чадлаа дайчлан зүтгэсний эцэст заавал амжилтанд хүрэх болно. Танд амжилт хүсье!

2017.06.05

120