1 мин

“Big Bang”-ийн T.O.P сэхээн амьдруулах тасагт

T.O.P одоо болтол ухаан ороогүй, эмч нар амь насыг нь аврахын тулд эрчимт эмчилгээ хийж байна.

М.Сугар-Эрдэнэ 2017.06.07

Хар тамхи татсан хэргээр Цагдаагийн газарт шалгагдаж байсан алдарт “Big Bang” хамтлагийн дуучин T.O.P Сөүлийн эмнэлэгийн сэхээн амьдруулах тасагт эмчлүүлж байгаа гэнэ. БНСУ-ын хэвлэлүүдэд бичсэнээр энэ сарын 6-ны өглөө түүнийг ухаангүй хэвтэж байхыг олсон байна. Эмнэлэгт хүргэн эмчилж эхэлсэн ч ухаан орохгүй байсаар 17 цагийн үед сэхээн амьдруулах тасагт шилжүүлжээ. T.O.P одоо болтол ухаан ороогүй, эмч нар амь насыг нь аврахын тулд эрчимт эмчилгээ хийж байна. Сүүлийн үед хар тамхины хэргээр байцаагдаж, хэвлэл мэдээллээр “нүдүүлсээр” байгаад стресст орсон дуучин тайвшруулах эм, их хэмжээгээр хэрэглэсэн байж болзошгүй гэсэн урьдчилсан дүгнэлт гараад байна.
“YG Entertainment” агентлагаас энэ мэдээллийг баталж, “T.O.P сэхээний тасагт хэвтэж байгаа. Түүнийг ээж, гэрбүлийнхэн нь сахиж байна” гэж мэдээлсэн.