1 мин

“Шилдэг шторк” шалгаруулах таван сая төгрөгийн уралдаан зарлалаа

Ганц л ялагчтай байх аж.

Э.Намуун 2017.06.07 39 19 7

4

УИХ-аас Хог хаягдлын тухай хуулийг шинэчлэн баталсантай холбогдуулан БОАЖЯ-наас “Цэвэр сайхан орчин” сарын аян зарласан билээ. Энэ  хүрээнд хууль сурталчилах зорилготой “Шилдэг шторк” шалгаруулах уралдааныг зарласан байна.

Уралдааны эцсийн дүнг  ирэх сарын 07-нд гаргах бөгөөд зөвхөн нэг бүтээлийг шалгаруулж, 5 сая төгрөгөөр урамшуулах аж.

Оролцогчдод мэргэжлийн түвшинд 30 секундээс хэтрэхгүй шторк бэлтгэх, оюуны өмчийн зөрчилгүй, НD1920x1080, HD1080x720 форматтай, агуулга, илэрхийлэх санааг уралдааны үндсэн зорилгод нийцсэн байх зэрэг шаардлага тавьжээ. Мөн бүтээлээ нийгмийн сүлжээнд нийтэлж, хандалт авсан байх үзүүлэлтийг чухалчилж байгаа юм байна.  

Уралдаан нь иргэн, аж ахуйн нэгж, байгууллагад байгальд ээлтэй хэрэглээний соёл хэвшүүлэх, хог хаягдлыг зүй зохистой хаях, ангилах, дахин ашиглах дадал зуршлыг төлөвшүүлэх, хог хаягдлаас хүний эрүүл мэнд, байгаль орчинд үзүүлэх сөрөг нөлөөллийн талаарх мэдлэг, боловсрол олгох зорилготой. Дэлгэрэнгүй мэдээллийг 260718 утаснаас лавлана уу.

Э.Намуун 2017.06.07

4