Араваши гэргийгээ танилцууллаа
Түүний гэргий 27 настай монгол бүсгүй бөгөөд онгоцны үйлчлэгчээр ажиллаж байжээ.
Макүүчи зиндааны монгол бөх Араваши Эрхбаярын Дөлгөөн энэ сарын 8-нд хэвлэлийн бага хурал хийлгэж, гэргийгээ нийтэд танилцууллаа. Түүний гэргий 27 настай монгол бүсгүй бөгөөд онгоцны үйлчлэгчээр ажиллаж байжээ. Залуу хосууд хоёр жилийн өмнө танилцаж, энэ жилийн нэгдүгээр сарын 31-нд гэрлэлтээ бүртгүүлэн, нэг гэрт орсон байна. Араваши “Таваас олон хүүхэдтэй болох хүсэлтэй. Гэр бүлтэй болсон тул улам их хичээж зүтгэнэ” гэж сэтгүүлчдэд ярьжээ. Араваши 30 настай, Улсын начин, гавъяат тамирчин Л.Эрхбаярын хүү юм.