1 мин
Катарын дэлгүүрүүд хоосорлоо
Иргэд сүү, будаа, өндөг зэрэг хүнсний бүтээгдэхүүнийг машин машинаар нь худалдан авч, зөөж байгаа гэнэ.
Саудын Араб, АНЭУ, Бахрейн, Египет, Йемен, Мальдив, Ливи зэрэг Арабын улсууд Катартай дипломат харилцаагаа тасалсны дараа Катарын иргэд хүнсний хомсдолд орж магадгүй гэсэн айдаст автжээ. Тус улс хүнсний нийт бүтээгдхүүнийхээ 90 хувийг гадаадаас авдаг тул хөрш орнууд нь агаарын болон хуурай замын харилцаагаа хааснаар өлсгөлөнд орж, хямрал үүсэж магадгүй болоод байгаа. Орон нутгийн хэвлэлд бичсэнээр иргэд сүү, будаа, өндөг зэрэг хүнсний бүтээгдэхүүнийг машин машинаар нь худалдан авч, зөөж байгаа гэнэ. Ийнхүү хэдхэн хоногийн өмнө дүүрэн байсан лангуунууд хов хоосон болсон байна.