T.O.P ухаан орж, шүүх хурал нь 29-нд товлогдлоо
Сөүл хотын Төв шүүхээс хэдийгээр T.O.P эмнэлэгт эмчлүүлж байгаа ч шүүх хурлыг энэ сарын 29-нд хийхээр тов гаргажээ.
Сөүлийн Мокдон эмнэлгийн сэхээн амьдруулах тасагт хэвтэн, эмчлүүлж байсан Өмнөд Солонгосын “Big Bang” хамтлагийн дуучин T.O.P ухаан орж, биеийн байдал нь сайжирсан байна. Тэрбээр хар тамхины хэрэгт байцаагдаж байхдаа тайвшруулах эм хэт ихээр хэрэглэснээс болж, эмнэлэгт хүргэгдсэн юм. Тус эмнэлгээс түүнийг өөр эмнэлэгт шилжин эмчлүүлэхээр болсныг сэтгүүлчдэд мэдээлсэн бөгөөд үнэхээр T.O.P тэргэн дээр түрүүлэн гарч ирээд машинд суусан. Мокдон эмнэлэгт нэг хүний өрөө байхгүй тул T.O.P-ийн ээж хүүгээ амгалан тайван орчинд эмчлүүлэхийн тулд эмнэлгийг сольсон гэнэ. Чухам ямар эмнэлэгт хэвтэх талаар гэрбүл, эмч нар нь нууцалж байна.
Мокдон эмнэлэгийн эмч нар гадуур гарч байгаа цуурхалд хариу өгөх зорилгоор мэдээлэл хийлээ. “Өвчтөнг 6-ны өдрийн 12,34 цагт манай эмнэлэгт гурван хүн өргөж, авчирсан. Ухаангүй, цусны даралт өндөр, зүрхний хэмнэл алдагдаж, амьсгалахад бэрхшээлтэй болж, хүчилтөрөгчийн хомсдолд орсон байсан тул бид сэхээн амьдруулах тасагт шилжүүлсэн. Бензодиазепиний төрлийн эм хэт хэрэглэсэн байсан нь шээсний шинжилгээгээр илэрсэн. Энэ бодис нь тайвшруулах, нойрны эмэнд байдаг. Хэдэн ширхэг эм уусныг нь мэдэхгүй ч маш олон эм уусан нь мэдэгдэж байлаа. Хүчилтөрөгчийн хомсдлоос болж тархи нь гэмтээгүй” гэж мэдэгдсэн.
Сөүл хотын Төв шүүхээс хэдийгээр T.O.P эмнэлэгт эмчлүүлж байгаа ч шүүх хурлыг энэ сарын 29-нд хийхээр тов гаргажээ. T.O.P цэргийн албанаас чөлөөлөгдөөд байгаа бөгөөд шүүх хурлын дараа үргэлжлүүлэн хаах эсэх нь мэдэгдэнэ.