мин

Жүдо: “Токио 2020”-ийн холимог багийн тэмцээний жингүүд

Токиод эр, эм ялгаагүй жин болгонд 18 бөх барилдахаар тэнцүүлжээ.

М.Сугар-Эрдэнэ 2017.06.13 37 24 5

ОУОХ-ны Гүйцэтгэх зөвлөлийн чуулганаас 2020 онд Японы нийслэл Токиод болох Зуны олимпийн наадмын хөтөлбөрт нэлээд өөрчлөлт оруулсан билээ. Жүдо бөхийн төрөлд ч олон өөрчлөлт гарсан. Юуны өмнө холимог багийн тэмцээнтэй боллоо. Энэ тэмцээнийг хувийн барилдаанууд өндөрлөснөөс долоо хоногийн дараа явуулна. Эрэгтэй 3, эмэгтэй 3 тамирчинтай холимог баг бүрдүүлэх болно. Эрэгтэйчүүд  73 кг, 90 кг, +90 кг-д, эмэгтэйчүүд 57 кг, 70 кг, +70 кг-ийн жинд барилдах юм. Доод тал нь 12 баг оролцох бөгөөд шилдэг 4 баг хэсгийг толгойлно. Багт орох тамирчид нь олимпийн чансаанд багтсан, хувийн сонгон шалгаруулах тэмцээнд оролцсон байх шаардлагатай. Холимог багийн тэмцээнтэй болсноор жүдочид нэг олимпоос хэд хэдэн медаль авах боломж бүрдэж байгаа юм.

Холимог багаас гадна бас өөрчлөлт бий. “Токио 2020” наадамд эрэгтэй, эмэгтэй жүдочдын тоо ижилхэн байх болно. Олон улсын жүдо бөхийн холбооноос хүйсийн тэгш байдлыг ханган ажиллах зорилт тавиад байгаа. “Рио 2016” наадамд эрэгтэйчүүдийн жин болгонд 22, эмэгтэйчүүдийн жин тус бүрт 14 бөх барилдаж байсан бол Токиод эр, эм ялгаагүй жин болгонд 18 бөх барилдахаар тэнцүүлжээ.  

М.Сугар-Эрдэнэ 2017.06.13