Хорооллын эцсийн автозамын нэг эгнээг түр хаана
Хорооллын эцсээс Гэмтлийн эмнэлгийн уулзвар хүртэлх 1 км автозамыг засаж байна.
Нийслэлийн Замын сангийн хөрөнгөөр хэрэгжүүлж буй “Баянгол дүүрэг, Хорооллын эцсээс Гэмтлийн эмнэлгийн уулзвар хүртэлх 1 км авто замын шинэчлэлт” -ийн ажлыг “Наранбулаг Хан” ХХК энэ сарын 5-наас есдүгээр сарын 10-ны хооронд хийж гүйцэтгэхээр ажиллаж байна.
Төлөвлөгөөт ажлын хуваариар тус автозамын хойд талын эгнээ буюу зүүнээс баруун тийш зорчих тээврийн хэрэгслийн хөдөлгөөнийг зургаадугаар сарын 16 буюу энэ баасан гарагийн 23:00 цагаас эхлэн зургаадугаар сарын 21-ний 07:00 цаг хүртэл түр хязгаарлаж, авто замын зорчих хэсгийн хучилтын ажлыг гүйцэтгэнэ. Энэ хугацаанд жолооч та автозамын урд талын эгнээгээр зорчих юм гэж нийслэлийн Авто замын хөгжлийн газраас мэдээллээ.