Чөлөөт бөх: ОХУ бөхийн хорхойтнуудаа паспорттой болгоно
"Хөлбөмбөгийн холбоо шиг хөгжөөн дэмжигчдээ паспорттой болгох талаар ярилцсан” гэж сэтгүүлчдэд мэдээлсэн байна.
Ингушетийн Назраньд өнөөдөр өндөрлөж байгаа ОХУ-ын чөлөөт бөхийн аварга шалгаруулах тэмцээний эхний өдөр үзэгчид зодолдож, эмх замбараагүй байдал үүсгэсэн. ОХУ-ын Спортын бөхийн холбооны тэргүүн Михаил Мамиашвили Кавказын үзэгчид ийнхүү байнга хэрүүл зодоон өдөөгөөд байвал дараагийн УАШТ-ээ Хойд мөсөн туйлд зохион байгуулна гэж сүрдүүлээд тэмцээн үзэхээр ирж байгаа бөхийн хорхойтнуудыг паспорттой болгоно гэж мэдэгдлээ.
70 кг-ын жинд барилдсан Заурбек Сидаков (СО-Алани) Магомедхабиб Кадимагомедов (Дагестан) нарын барилдааны дараа Сидаковын балиашгуудад шүүгчийн шийдвэр таалагдаагүй тул зодоон өдөөсөн. Гэхдээ хамгаалалтын албаныхан, ялангуяа сайн дурын ажилтнуудын хүчээр зодооныг зогсоож чадсан.
Өнгөрсөн жилийн УАШТ дээр ч зодоон болсон. Михаил Мамиашвили “Бөхийн холбооны Хяналтын хорооны хурал сая боллоо. Зодоон өдүүлсэн бол багаар нь тэмцээнээс хасах дүрмийн шинэ төслийг хэлэлцсэн. Ойрын хэдэн сард бүрэн боловсруулж дуусна. Хөлбөмбөгийн холбоо шиг хөгжөөн дэмжигчдээ паспорттой болгох талаар ярилцсан” гэж сэтгүүлчдэд мэдээлсэн байна. Оросын хөлбөмбөгийн холбооноос ДАШТ болон “2017 FIFA Confederations Cup” тэмцээнийг үзэхээр ирсэн үзэгчид тасалбараас гадна тусгай паспорт авч байж, цэнгэлдэхэд нэвтрэхээр болсон билээ.