Шуурхай: "Говь" компанийн үйлдвэр ГАЛД АВТЖЭЭ
"Говь" компанийн үйлдвэр галд автсан тухай "NTN channel" газар дээрээс нь мэдээлэв. Тэдний ажилчдаас авсан мэдээллээр өчигдөр оройн 20.00 цагаас эхлэн гал гарч эхэлсэн аж. Бид энэ талаар дэлгэрэнгүй мэдээлэл авахаар холбогдох хүмүүс рүү залгасан боловч ямар нэг тодорхой хариуг өгсөнгүй.
Дорх бичлэгээс та "Говь" компанийн үйлдвэр шатаж буйг тодорхой харж болно.
"Говь" компани 1981 онд үүд хаалгаа нээсэн бөгөөд, өдгөө 1500 гаруй ажилтантай, анхан шат, сүлжмэл, нэхмэл, оёмолын дөрвөн үйлдвэртэй юм. Жилдээ 750 тонн түүхий ноолуур боловсруулах, 500 тонн ээрмэл утас, 25 тонн нарийн ээрмэл утас хийх, 1,000,000 ширхэг сүлжмэл бүтээгдэхүүн, 1,100,000 метр нэхмэл бүтээгдэхүүн, 100,000 ширхэг ноолууран пальто үйлдвэрлэх хүчин чадалтай, жилдээ 90 тэрбум төгрөгийн борлуулалт хийдэг, дэлхийд танигдсан Монголын томоохон үйлдвэрт гал гарсанд олон иргэд харамсаж буйгаа илэрхийлж байна.