1 мин

Шатаж буй барилгын 10 давхараас шидсэн хүүхдийг эсэн мэнд барьж авчээ

Ж.Тэгшжаргал 2017.06.15 33 32 9

Лондоны Грэнфэлл цамхагт гарсан гал түймрийн үеэр нэгэн ээж 10 давхараас хүүхдээ шидэж, азаар дор нь зогсож байсан эр түүнийг ямар нэг гэмтэлгүй барьж авсан тухай “Telegraph” мэдээлэв. Тухайн үед үйл явдлыг харсан гэрч Самира Ламранигийн хэлснээр цамхагийн 10 давхарын цонхоор нэгэн эмэгтэй хүүхдээ галаас аварч, эсэн мэнд үлдээхийн тулд шидэхээр завдаж, дор байгаа хүмүүсээс тусламж хүсэн, дохио өгсөн аж. Яг энэ мөчид нэгэн залуу гүйж ирээд, хүүхдийг эсэн мэнд барьж авч чаджээ.

1974 онд баригдсан, 24 давхар, 400 гаруй хүн амьдардаг барилгад ахуйн шинж чанартай гал дэгдэж, улмаар одоогоор тодорхой болсноор 12 хүн амь эрсдэж, 80 орчим хүн эмнэлэгт хүргэгдсэн байна. Цамхагт гарсан галаас болж амь үрэгдсэн болон гэмтсэн хүмүүсийг тоог эцэслэн тогтоогүй байгаа аж. 

Ж.Тэгшжаргал 2017.06.15