“Говь”-ийн дээвэр бүрэн шатсан ч тоног төхөөрөмжийг аварч чаджээ
Цаг үеийн асуудлаар шуурхай хэвлэлийн бага хурал хийж байна.
Төрийн ордонд Шадар сайд У.Хүрэлсүх цаг үеийн асуудлаар шуурхай хэвлэлийн бага хурал хийж байна. Энэ үеэр Онцгой байдлын ерөнхий газрын төлөөлөл “Говь”-ийн үйлдвэрт гарсан гал түймрийн талаар мэдээлэл өглөө.
Тэрбээр “Яг одоо гал түймэр унтрах шатандаа байна. Гал сөнөөгчдийг Нийслэлийн онцгой байдлын газрын дарга, хурандаа Уламбаяр ахлан ажиллаж байна. Үндсэндээ үйлдвэрийн дээвэр хэсэг шатсан. Гал түймэр унтраах үед ололттой 2 зүйл байсан. Нэгт, гал сөнөөх аврах ангийнхан барилгын үндсэн хийц, бүтээцийг хамгаалж, галд автуулаагүй. Аливаа гал түймрийн дөл өндөр байх тусмаа барилгын бүтээцэд даралт өгч, нурах эрсдэл нэмэгддэг ч энэ удаад үндсэн хийцийг хамгаалж чадсан. Мөн үйлдвэрийн тоног төхөөрөмж, техникийг галаас хамгаалж чадлаа” гэсэн юм.
Гал гарсан шалтгааныг Цагдаагийн байгууллага гаргадаг байна. Тиймээс одоогоор гал гарсан шалтгаан болон нийт хохирлын хэмжээг тодорхой боломжгүй гэдгийг дуулгалаа.