Дэлхийн томчууд дүрвэгчдийн дүрд
Түүний бүтээлд том улстөрчид хүч чадлаа алдаад, цөхрөнгөө барсан байгаа нь харагдана.
Сирийн зураач Абдалла аль-Омаригийн нэгэн уран бүтээл олны анхаарлыг татаж байна. Энэ бүтээлдээ тэр дэлхийн том улс төрчдийг дайны улмаас орон гэрээ орхисон дүрвэгчдийн дүрээр зуржээ.
Хэн ч дайны аюулаас хол хөндий байж чадахгүй гэдгийг харуулахыг зорьсон юм.
Абдалла аль-Омари 2011 онд иргэний дайн эхлэхэд эх орноосоо дүрвэсэн. Одоо Бельгид цагаачлан амьдарч байгаа.
Энэ төсөл дээрээ тэр 19 сар ажиллажээ. Түүний бүтээлд том улстөрчид хүч чадлаа алдаад, цөхрөнгөө барсан байгаа нь харагдана.
“Энэ томчуудын эрх мэдлийг хураан авахыг би хүссэн. Гэхдээ өөрийнхөө төлөө биш, энэ улстөрчид жаахан ч гэсэн хүн чанартай болоосой гэж бодсон” хэмээн тэр ярьсан.
Нэг зурган дээр Абдалла тэдэнтэй цуг хоолонд дугаарлан зогсож байна.
“Сири хүн болгоны мэдэрч байгаа уур хилэн, зовлон зүдгүүр энэ бүтээлийг хийх хөшүүрэг болсон. Би тэднийг эрх мэдлээ алдахаараа ямар болохыг харуулахыг хүссэн” гэж аль-Омари хэлсэн.
Түүний бүтээлд Дональд Трамп, Владимир Путин, Башар Асад, Ким Жон Ун, Тереза Мэй, Николя Саркози, Франсуа Олланд, Дэвид Кэмерон, Барак Обама, Ангела Меркель нар бий.