1 мин

Б.Ану-Үжин MНТМ тэмцээний дараа юу хийж байгаа вэ?

"Luxury Brand Model Awards Global Fashion Week-2017"-д эх орноо төлөөлөн оролцоод иржээ.

Ub.life 2017.06.19 23 22 13

66

Энэ жил арван хоёрдугаар ангиа төгсөж буй Б.Ану-Үжин МНТМ тэмцээнээс хойш тун ч олон ажил амжуулаж байгаа бололтой. Тэрээр ерөнхий боловсролын сургуулиа төгсөж байгаа бөгөөд саяхан БНСУ-ыг зорьж, "Luxury Brand Model Awards Global Fashion Week-2017"-д оролцоод иржээ. Ингээд түүний МНТМ тэмцээнээс хойш юу хийж байгааг сонирхуулъя.

1. Энэ сарын эхээр БНСУ-д зохион байгуулагдсан "LBMA"-д оролцсон нь түүний анхны олон улсын тайз байжээ. Энэ тэмцээнд 14 орны 40 гаруй модел өрсөлдсөн байна.

2. Тэрээр "Глориа модел" агентлагт харъяалагддаг бөгөөд О.Уянга, М.Нармандах багш нарын удирдлага дор тус агентлагийг суралцаж төгсчээ.

3. Ирээдүй цогцолбор I ахлах сургуулийн дүрслэх урлагийн гүнзгийрүүлсэн сургалттай 12Д ангийг төгсөж байгаа аж.

4. Ангийнхан нь түүнийг зорилготой, чадварлаг, ухаалаг, ангийн хамгийн үзэсгэлэнтэй охиноор шалгаруулжээ.

5. Улсын шалгалтуудаа бүгдийг нь онц өгсөн бөгөөд одоо ЭЕШ-аа сайн өгөх л түүнд үлдэж.

6.Тэрээр МУИС-д сэтгэлзүйн чиглэлээр суралцахыг хүсэж, бэлдэж буй.

7. Харин ээж нь түүнд барилгын инженер болохыг санал болгосон байна.

8. Хэд хэдэн кинонд тоглох санал ирсэн ч тэмцээн болон шалгалтууд давхцсаны улмаас татгалзжээ. Гэвч кино урлагт өөрийгөө сорьж үзэхийг хүсдэг гэнэ лээ.

9. Мөн “+300” илтгэл мэтгэлцээний клубын хүндэт гишүүн болж төгсчээ.

10. Тэрээр Mimico.mn-ий танилцуулга болох богино хэмжээний кинонд тоглож байх үедээ жүжигчин Т.Хулангаас "Жүжигчин болох авъяастай охин байна, бүр сайн хөгжүүлээрэй" гэсэн үгсийг сонсоод ихэд урамшиж, энэ салбарт хүчээ үзэхийг мөрөөддөг болсон гэнэ. Удахгүй бидэнтэй шинэ киногоороо уулзаж ч магадгүй.

Ub.life 2017.06.19

66